الوضع مخزي !! في مدرسة الرميلة الثانوية .. لماذا ؟

[السيد المبدع]

لمتابعة النقاش والحوار في هذا الموضوع " شبكة الرميلة الثقافية " http://www.rumailah.net/vb3/showthread.php?t=55599 السلام عليكم .. بداية أود أن أعلمكم بأنه على مر السنين .. فإن طلاب مدرسة الرميلة الثانوية هم من الأفضل على مستوى الأحساء " ولا خلاف " ولكن .. الوضع في هذه السنة خاصة .. جداً لا يسكت عليه .. باختصار :: العام اللي قبل الماضي دفعة 2008 انقبل في جامعة البترول 13 طالب من الرميلة !! مع أن عدد الطلاب حوالي 60 طالب فقط أي تقريباً 22% من عدد الطلاب .. والذي يقارب ربع الطلاب !! السنة الماضية دفعة 2009 .. انقبل في جامعة البترول 10 طلاب من أصل حوالي 60 طالب أي حوالي 17% من نسبة الطلاب .. أما السنة دفعة 2010 وياللأسف .. فإن المقبولين فقط وفقط 4 طلاب !! أي نسبة 7% فقط بصراحة .. الوضع جداً متدني .. بحيث أن الطلاب الحاصلين على امتيار في ثالث ثانوي يعدون على الأصابع .. ومقارنة الدرجات بمدرسة العمران أو القارة .. فإن درجات مدرسة الرميلة تعتبر " كارثة " هذا غير درجات القياس والتحصيلي .. التي لا تقل سوءاً . في القياس :: العام الماضي مثلاً .. اللي جابوا فوق 80 هم 22 طالب تقريباً 5 منهم فوق التسعين .. و 4 منهم 100% في الكمي .. أما السنة .. اللي جابوا فوق 80 تقريباً 5 طلاب فقط !! 1 منهم فقط اللي جاب فوق التسعين .. و 1 منهم فقط 100% في الكمي .. في التحصيلي :: العام الماضي مثلاً .. جابوا فوق الثمانين 8 طلاب .. منهم 4 طلاب فوق التسعين .. أما السنة .. اللي جابوا فوق الثمانين هم 3 فقط و طالب واحد فقط منهم جاب فوق التسعين .. * * * * أنا عطيتكم الإحصائيات بالأرقام .. مع احتمالية وجود أخطاء بسيطة لو وجدت .. وعليكم الحكم .. أنا هنا مو هدفي أقارن بين الدفعتين .. لأن مو هذا المهم .. المهم بأن نوجد حل لهذه الانتكاسة الرهيبة في مستوى طلاب وأجيال المستقبل لبلدة الرميلة .. بكل صراحة أقول .. أن التدني واضح مو بس على مستوى جامعة البترول .. بل على مستوى الطب و حتى العاطلين " اللي مو محصلين لهم جامعة تقبلهم " ليش تركيزنا حالياً على مشاكل هي في الأساس ليست من الأولويات .. ونترك لب المشكلة .. وهي مشكلة جيل كامل من الطلاب .. وين أنشطة : مركز النشاط الاجتماعي .. ليش ما يركز جهوده على الطلاب " خاصة في القياس والتحصيلي " والتي تعتبر الأهم حالياً لقبول الطلاب في الجامعات " يعني بعد اللجنة الأهلية خلاص نسينا شي اسمه طلاب ؟ " مع أني ما أنكر جهود المركز في باقي الجوانب .. أتمنى نكون واقعين .. وننظر للمشكلة بعين الاعتبار .. ولا يفوتني أشكر " فريق الليث " ومساهماته على المستوى التعليمي للطلاب . ----------------------------------------- وأخيراً نبارك للبطل محمود جاسم الهاشم : اللي حصل على 93 في القياس و 91 في التحصيلي و97 في المدرسة .. كذلك نبارك للمقبولين في جامعة الملك فهد للبترول وهم : - محمود جاسم الهاشم - محمد علي الجعفر - مصطفى حسين الناصر - سيد مصطفى بن سيد ناصر العلي انتظر آرائكم ... تحيتي ..

[Mejoo]

السلام عليكم ورحمة الله .. بصراحة يا أخي أوجعت قلبي .. !! هذه الظاهرة مثل ما هي عند الأولاد بعد موجودة عند البنات .. راح أتكلم عن البنات بصفتي بنت .. والله فيه بنات واااجد عندنا عقولهم ذكية ومتفتحة لكنهم كسالى والله وحدة من البنات اللي مستواهم متدني عندنا تقول أعرف الإجابة بس ما اشتهي أقوم أجاوب يعني هي اللي جايبة هالشيء لنفسها .. وفي المقابل مع البنات الممتازات تشوف بعض المدرسات يميزون كثير بين البنات .. يعني إذا تحب بنت تعطيها درجات بالهبل .. وأحيانأً تجيك بنت ممتازة محتاجة نص درجة ماتعطيها .!! مو حرام هذا ؟ تشوف المدرسة إذا حطت البنت في بالها ترسم لها أروع الصور في مخيلتها بحيث ماعندها الا هذه البنت ذكية وممتازة وحتى لو احتاجت 5 درجات تعطيها أوكي ماعلى هذا كلام مدامها معك ممتازة طول السنة وممشية الحال راعيها اوقات الاختبارات بس ليش على ناس وناس؟ المهم ما ابقى أروح يمين وشمال خلنا على سالفة مستوى الطّلاب والطالبات .. هو صحيح للمجتمع الأثر على الطالب لكن يبقى الدور الأساسي على الطالب نفسه إذا هو مهمل نفسه و بالعربية "مطنش " هذه حالة ميئوس منها يعني أحياناً تشوفنا احنا الطالبات الممتازات نجي للطالبات اللي مستواهم شوي أدنى منّا نبقى نساعدهم بس هم يرفضون !! يعني مابقى الا بوسة على الراس .. في المقابل تشوف بعض الطلاب وده يدرس لكن ظروفه صعبة يعني هو مثلاً رجال بيتهم أو بيتهم فوضى مايقدر يذاكر هذا الله يعينه وعنده عذره بس ماسواهـ مالهم أي عذر .., وبعدين بيني وبينكم كثرت الملهيات ( نت - مباريات ....الخ ) الواحد مالازم يفرط فيهم يعني كل شيء بحدود.. موفقين

[بسمهـ]

ميجو يعني انا اقول الكل عنده ملهيات حتى الي جابو النسب هالشيء يعتمد على الشخص بالنسبه للكوادر التعليميه من حق اي طالب يعترض اذا حس بالظلم ويقدر يبلغ عن اي اساءه او اي قصور

[Mejoo]

ميجو يعني انا اقول الكل عنده ملهيات حتى الي جابو النسب هالشيء يعتمد على الشخص ايوة اقري ردي مرة ثانية وبعدين بيني وبينكم كثرت الملهيات ( نت - مباريات ....الخ ) الواحد مالازم يفرط فيهم يعني كل شيء بحدود.. يعني إذا كان مفرط في استخدام الملهيات وما وازن بين دراسته والأشياء الأخرى أكيد أنه بيخسر في النهاية .. تحياتي

[المحبوب]

سلام عليكم --- والله حاله يندى لها الجبين ليش وصل مستوى طلابنا الى هالمرحله هذي؟ المشكلة مرتبطه بالطالب والأسره والمجتمع الكل مسؤول الطالب لازم يحس بالمسؤولية وان وراه مستقبل بس لازم الأسره بعد تشد عليه وتحسسه بهالشي والمجتمع بعد (مثل: مركز النشاط الاجتماعي) لازم يسوي دورات تعليمية وتطويرية للشبابات والفتيات يعني في القطيف يسووا دورات متطوره لاختبارات القياس والتحصيلي اعرف شباب يشتغلوا من جد ، ويتعبوا على هالدورات وبكذا يطلعوا طلاب فاهمين وممتازين --- وفق الله الجميع الى كل خير لكن الكل لازم يتشارك في الحلول تحياتي لكم

[السيد المبدع]

مشكورين على المشاركة الحلوة يا شباب .. وعلى فكرة .. الموضوع صار فيه نقاش وحماس في " منتدى الرميلة " اللي بيتابع مشاركاتهم في نفس الصفحة http://www.rumailah.net/vb3/showthread.php?t=55599

[صدى الرحيل]

اما انا رايي ان الغلط الاكبر من معامله المدرسيين جايييك المدرس رافع خشته (محد قد)* تساله سؤال مايجاوبك وش هالمسخره واذا صاار شي لو بسييييييييييط تهدد الطالب بتنقيص الدرجات وين حنا لآقيين درجه علشان تجوون تنقصوونها...!؟ وبعدين غير معامله المدرس ياليت عاااد لو كسرت ظهرك وجبت الي قدرت عليه فيه مجال يفتح لك ذراعيييييه ,,ابد مدرسااات قاعدين ينتظرون حد يقوول لهم يلآ جا وقتكم ...والمدرسه محتاجه مدرساات بس علشان لآيوظفوون خلو المدرسه بدوون مدرسآآت,,,!! بعد هذا تبوون الطلآب يمشووون...!؟

[السيد المبدع]

صدى الرحيل :: يمكن هذي المشكلة عندكم " مدرسة البنات " أما مدرسة الرميلة الثانوية " بنين " .. فوضع المعلمين مختلف جداً المدرسون أخلاق + ثقافة + احترام " طبعاً الأغلب وليس الكل " أشكر مرورك

[بسمهـ]

بس الشر يعم

[حارق قلب نمله]

بسم الله الرحمان الرحيم السلام عليكم ورحمة الله وبركاته وهذا يعود لعدة اسباب في رايي اولا مافي اهتمام من الاهل ثانيا المعلمين ثالثا كسل من الطلاب رابعا التحطيم المعنوي خامسا الاهل عاطين الولد الي يسوه ومايسوه وفي اسباب كثيرة بس ياسيدفي اخطاء املا ء ارجو انك تعدله شكرا على طرحك الموضوع سيد تحياتي حارق قلب نمله